شاهنامه فردوسی به زبان تالشی(جلد دوم)

شاهنامه‌ی تالشی در سه جلد و حاوی سه بخش اساطیری، پهلوانی و تاریخی، برگردان یک دورە‌ی کامل از داستان‌ها و اندرزهای شاهنامە‌ی فردوسی است. در نگارش این کتاب، کوشیده‌ام تا از واژگان ناب تالشی بیشتر بهرە ببرم. بی‌گمان نگارش شاهنامە به تالشی سره، آن هم برای اولین بار، کاری کم‌ایراد نیست. امید آن دارم توانستە‌باشم ضمن حفظ امانت‌داری و پای‌بندی به محتوای اصلی اثر، در بیان مقصود بە زبان تالشی در حد قابل قبولی درست عمل کرده‌باشم.

شاپوری ۏاتە:‌ بݖرا جان، ئە‌مە ئیرونی‌ېمونە. رومی غە‌ېسە‌ری دە‌س چە‌ۏو‌ن زیندونی کا دە‌ۏە‌شتە‌ېمونە. ئیرون خوئە‌م بݖشە‌م، ۏیېە‌ر ئە‌نݖشتا ئو تێشیریمونە. خوئە‌م، ئی تاس ئاۏ ئە‌مە بݖدە‌ې و ئی شە‌ۏ ئە‌مە جݖگا بݖدە‌ې دا موندی ئاکە‌رە‌م. سە‌با بە‌دە‌ز هه‌نی را دە‌لە‌کە‌م و ئیرونی را بݖشە‌م، ئە‌ز، تݖ نە پە‌ېمون دە‌بێندݖم دا ئی روزی ئݖشتݖ خوبی ېو میمون‌نݖۏازی تݖ‌را تە‌لافی ئاکە‌رݖم. باغە‌بو‌نی، شاپوری نە ۏاتە:‌ بݖرا جان، ئݖم فە‌رماشی مە‌کە‌ر، چݖمݖن کە، میمونی شݖنە. هه‌ر ‌چݖ چݖمݖن دە‌س بݖرە‌سݖ، چݖمݖن میمونی را کݖتاېی نێکە‌رݖم. خاس‌خاسێ ‌نە ئە‌ۏو‌ن سە‌لا ژە‌ندݖشە ئو ۏاتݖشە: بݖفە‌رماېە‌ن، دیلە باېە‌ن، چەمه رۊکه که، روشݖن و زەېرون کردݖرونه.